Presidenti Thaçi nga SHBA-të: Gjithçka për dialogun do të kalojë nga Kuvendi

21:11 | 27 Nëntor 2018
A. B.

Presidenti Hashim Thaçi, në takimin me sekretarin e Shteteve të Bashkuara të Amerikës, Mike Pompeo, ka njoftuar se ka biseduar për çështje bilaterale, rajonale dhe më gjerë.

Në këtë takim po ashtu, sipas Thaçit është biseduar edhe për mandatin e ri të FSK-së, si një forcë shumetnike, si dhe për bashkëpunimin rajonal dhe perspektivën euroatlantike të Kosovës.

“Takimi ka qenë i shkëlqyer. Kemi mbështetje unike nga SHBA. Është mometi i duhur për të arritur marrëveshjen”, tha Thaçi.

Sipas tij, arritja e marrëveshjes do të jetë e mirë për të gjithë.

“Roli i SHBA-së është i pazevendësueshëm. Duhet të ketë koncensus politik. Duhet të arrijmë marrëveshje”, theksoi Thaçi.

Ai tha se duhet të punojnë të gjithë. “Çdo gjë do të kalojë nga Kuvendi”, tha Thaçi tutje.